228 REGISTRES DU BUREAU [i563]

CCCLIV. ---- ASSEMRLÉE DE VlLLE.

i4 juin i563. (Fol. 197 ^r°-)

Du lundy, xiiii" jour de Juing, l'an mil cinq cens soixante et troys.

En Assemblée le jour d'huy faicte en l'Hostel de la ville de Paris de Messieurs les Prevost des Marchans, Eschevins et Conseillers de lad. Ville pour adviser sur les lectres missives du Roy et de la Royne, pour led. S^r demande cent mil escuz d'or soleil à constitution de rente, sont comparuz :

Mons^r le Prevost des Marchans, Tnons^r Marcel, mons^r l'Escalopier, mons^r l'Advocat, mons^r Le Prebstre;

Mons^r d'Athis, mons^r de Charmeau, mons^r le Lieutenant particulier, mons^rm^e Thomas de Bragelongne, mons^r Larcher, sire Jehan Crocquet, sire Pierre Crocquet, mons^r Le Lievre, mons^r Tanneguyn, sire Jehan Le Sueur, mons^r de Livres.

A esté conclud et advisé par toute la compaignye. que l'occasion qui ce presente au jour d'huy, pour laquelle le Roy faict demande et secours pour la somme de cent mil escuz pour le recouvrement du Havre de Grace, est une chose necessaire pour le service du Roy et de la Ville, mais que par la lettre missive envoyée par le Roy il n'apert d'aucune assignation; et neanlmoings, après qu'il a esté rapporté que le Recepveur delad. Ville auroyt l'assignation des deux

cens cinquante mil livres de rente que remplira dedans quatre jours'¹', sur laquelle le Roy entendoyt assigner lesd, deux cens cinquante mil livres, et que par leur moyen le Roy en auroict receu six cens cinq mil livres, que s'il [plaist] à Sa Majesté ordonner autre assignation de dix ou douze mil livres de rente, avecq bonne seuretté, que l'on assayra à recouvrer les deniers de la valleur en la plus grande dilligence que faire ce pourra, et neanmoings les deniers levez de gré à gré sans contraincte, ou bien donner assignation de trois cens mil livres pour estre levez en semblable forme que les deux millions quatre cens mil livres dernierement assignez sur l'Esglise.

Et sur ce que mesd. s" du Conseil ont entendu l'excès qui a cuydé estre faict à Messieurs les Prevost des Marchans et Eschevins, vendredy dernier, revenans du boys de Vinciennes f'²', present monsieur le mareschal de Bourdillon'³', a esté ordonné que remonstrances en seront faictes au Roy bien amples; et ont estez esleuz pour ce faire mons^r Du Drac, conseiller en la Court, mons^r de Charmeau, m⁰ des Comptes, mons^r le Lieutenant particullier, mons^rSanguyn, secretaire du Roy, mons^1, Tanneguyn, Conseiller de la Ville, et sire Jehan Crocquet, Conseiller et bourgeois de Paris.

CCCLV. — [Ordre à Pierre de Brevieres, demourant en une des maisons du pont Nostre Dame,

DE SORTIR DE LAD. MAISON DANS TROIS JOURS.] i5 juin 1563. (Z 6826, fol. 90 v°.)

Du quinziesme jour de Juing mil v° lxiii.

Au jourd'huy, au Bureau de la Ville, a esté ordonné, suivant l'arrest du privé Conseil du Roy, ordonnance et commandement à nous faict par le Roy estans en personne en icelluy Conseil et d'abondant le jourd'huy led. commandement à nous réitéré par monseigneur le mareschal de Montmorency, que Pierre de Brevieres, à present demourant en une des maisons du pont Nostre Dame, où pend pour enseigne les Trois Chandeliers, où se souloit tenir feu Jehan de Compans, cappitaine, sortira de lad. maison, luy, ses biens et famille, dédans trois jours-pour toutes

prefixions et delaiz, et en laissera joyr Nicolas Boucher, demourant à present sur led. pont, enseigne de la Pomme d'or, lequel par led. S^r Roy nous fut ordonné aud. Conseil faire vuider de lad. maison de la Pomme d'or, sur peine de s'en prendre à nous, et ce nonobstant l'arrest dc la Court et remonstrances par nous faictes au contraire; auquel Boucher avons enjoinct de vuider dedans xxim heures, luy, sa femme, famille et biens, de lad. maison de la Pomme d'or et de mectre ses biens dedans une des chambres ou autre lieu desd. Trois Chandeliers, actendant que les meubles dud. Brevieres soient dehors.

-¹' Remplir desd, quatre jours, tel est le texte tronqué et défiguré que donne également le registre Z 6826, fol. 91 v°. (2) Les Prévôt des Marchands et Échevins avaient été mandés à la Cour au sujet du meurtre commis à la porte Saint-Antoine; leur voyage sous la conduite du maréchal Bourdillon est mentionné dans le journal do Smith, Calendar State papers, 1563, p. 409. (³' Imbert de la Platière, seigneur de Bourdillon, maréchal de France en 1562, mort le 4 avril 1567.